غيب الموت غالي
- الصفحة الرئيسية
- الاشعار
- الرثاء
- غيب الموت غالي
في يوم الإثنين الموافق 16/11/1438هـ غيب الموت إبراهيم بن زيد الصويغ، وقلت:
يا والله اللي غيب الموت غالي
خذه القدر ما بين يومٍ وليله
خذه الذي فوق المخاليق عالي
والموت سنّه ما لنا فيه حيله
لو ينفدا بفديه غالي حلالي
ما همني دق الحلال وجليله
أبكي على إبراهيم طول الليالي
حتيش لو تذرف دموعي هميله
واشيب عيني كل ما انه طرالي
الله يبيحه عد وبل المخيله
واختي نظر عيني وهي راس مالي
من حزنها حزني حموله ثقيله