ساعة دفنتك

قصيدة رثاء الزميل سعود عبد العزيز العتيبي مدير تحرير مجلة اليمامه باخته نوف رحمها الله:

ساعة دفنتك هل مزنٍ همالي

واسقى ثرى قبرٍ نزلتيه يا نوف

ساعة دفنتك سال دمعي هيالي

دمعٍ هيال ولا برد حرة الجوف

يا نوف صار الجوف يشعل اشعالي

يا نوف حزني فوق واصف وموصوف

يا نوف جروحٍ عراضٍ طوالي

يا نوف يا كسـرٍ خفـيٍ ومكشوف

أجي على العاده بكل الليالي

وأرجع واجر الصوت ما عاد به نوف

يا خوك لو شفتي وش اللي جرالي

أحزانٍ وأوجاعٍ وحسـرات وحسوف

والله لولا الدين أول وتالي

ما أدفنك أنا يا نوف وعيوني تشوف