تبكي على العود
- الصفحة الرئيسية
- الاشعار
- الرثاء
- تبكي على العود
قصيدة رثاء في سالم بن محمد آل عبد الله التميمي رحمة الله والذي وافاه الأجل يوم الجمعة 25/3/1433هـ:
معذور لو تبكي على العود يا سعود
مثلك ترانا عند قبره بكينا
أبوك شب وشاب ما داس منقود
حتى غدت به مدبحات السنينا
الله يبيحه عد ما ذعذع النود
وما سبح لرب الملا ساجدينا
يوم الليال البيض تضحك بها السود
عنا نقل حملن ثقيلن علينا
عندي على قولي دلالات وشهود
يا كثرها كثراه يا الغانمينا
ما وقفت ادموع النواظر على العود
أغص بالعبرة بوسط الجرينا
الوافي اللي بالوفا ماله احدود
نذرن عليّ ماله بطيبه قرينا
والحق له ياصل بحامد ومحمود
يبدا خويه بالتواصل يقينا
ومعرفته يا سعود بالهون والكود
ما تنقطع في غفلة الغافلينا
عساه في جنة بساتين وورود
قولوا معي آمين يا سامعينا