يا بن صقر
- الصفحة الرئيسية
- الاشعار
- المساجلات والردود
- يا بن صقر
إهداء للشاعر عبد الله السياري
يا بن صقر وش علامك يوم لاح الشيب تنهار
وهذي علومٍ على مثلك يبو خالد غريبه
وانا احسب انك على الدنيا وجور الوقت صبار
واترك هليعٍ وعبراتك حضايرها قريبه
ياللِّي جداك التوجد للعمر طلعة ومحدار
لا وصلها الرجل يضعف نوره اللّي يقتدي به
ما عاد يعزف على النوته تلخبط معه الاوتار
والصوت ينشب لسانه في لهاته ما يجيبه
حكِّم ضميرك وفكِّر في الليالي يا بن سيار
أكود تقنع وترضى يا عميلي بالمصيبه
وأما قنعته فدوك الهاف واضرب كم مشوار
نشوف عادك تصيب الصيد والا ما تصيبه
أظن يا صاحبي ما عاد تقدر ظبي الأقفار
هذاك والله يبو خالد مناويله صعيبه
لا ضيّح الشيب في الرجال طفّت عنه الأنظار
ما عاد غض النهد له يلتفت لو قد جيبه
ما جور يا مسندي من هزة البركان ومجار
عساك تسلم وتبقى يا حجا من يلتجي به
شعر: عبد العزيز بن صالح بن مقبل 12/12/1409هـ