العز لك مد كَفّه
- الصفحة الرئيسية
- الاشعار
- المساجلات والردود
- العز لك مد كَفّه
يا بو سعود العز لك مد كَفّه
لك منزلٍ في قمة المجد مرموق
برد المحبة شب ضوك ودفه
واصبر تنال وباقي العلم مفهوق
بحر الهوى ما خبر مخلوق تَفّه
بينك وبين اللي مثل حالي أفروق
يا ما لفهت بحب ناس ملفه
وقلت لحبيب خافقي منه مسـروق
على النحر نثر سجينك وعفه
يا حلو شوف مكتف الشعر مطلوق
والنابي اللي مزع الثوب خفه
الموت والله شوف روسٍ لها طوق
وجبينك اللي ثاير الشعر حفه
قامت تكاشف به ورى الغيمه بروق
بيني وبينك طاغي الشك صفه
ان كان عندك للغلا قدر وحقوق
دل ودلال رموش عين مسفه
منها شكيت الظلم والجور والعوق
وثوب يشيلنه على فوق ضفه
وهضيم كشحك حوله منه برفوق
الموق ماله من هما الدمع جفه
مثل الندى بالشبط في راس زملوق