وفي ودايم عشيرٍ للوفييني
- الصفحة الرئيسية
- الاشعار
- المساجلات والردود
- وفي ودايم عشيرٍ للوفييني
مع التحية للأديب الشاعر راشد بن محمد بن جعيثن عشق لحرفه واعجاب بشاعريته وابداعه، رجع صدى ومعارضة لقصيدته المنشورة بمجلة الغدير الكويتيه: يا مل قلبٍ يفك الهم ويخمه ...
"ابن جعيثن" أشهد ... في الشعر قمة
شهادة اثباتٍ تكيد الحسوديني
شوارد الشعر تذعن ليراعه وفمه
روايعه شاهدة تثبت البراهيني
شعره مثل شعر الاعشـى وذو الرمه
حساد تفوقه عفونٍ كثيريني
مثل الجبل ما درى عن نطحة الجمة
يزيد حسوده بدال الغيض غيضيني
بيت الشعر يتقن مشده وطمبه وطمه
يبنيه حريف مبدع في المضاميني
إذني في أبو محمد صمخا ومنصمه
إلا الثناء له ينومسني ويرضيني
ما يصاحب أهل الحسد والذب والنمه
ما هو رفيقٍ للرخوم الردييني
ما هو رفيقٍ للرديان والخمه
وفيٍّ ودايم عشيرٍ للوفييني
نوه بعيدٍ صدوقٍ شامخ الهمه
في خير أو شـر يكيل الصاع صاعيني
حظي منه رد هاتفي بالقاف لي زمه
شـرد القوافي يرددها يوحيني
رويت شعره والشعار ملتمة
عوارف الشعر سمار الدواويني
كل يثني على قاف قال يا يمه
إللي نعت إبنها بين المعزيني
جسد لمناحها بإبداعه وتمه
فيه الصور ناطقه شوف بالعيني
أشوف وأسمع شهادة يبريّ الذمه
عاشق لحرفه مودٍ طبعه الزيني
سعد بن جفين الدغيلبي العتيبي، الرياض – البديعه