ورده ومصدار
- الصفحة الرئيسية
- الاشعار
- المساجلات والردود
- ورده ومصدار
الصدى الثاني لقصيدة الشاعر عبد العزيز بن صالح بن مقبل.. ورد الشاعر عبد الله بن محمد السياري عليه، وقلت:
يا بن صقر يوم جالي بالشعر ورده ومصدار
بسوق معناي بالطاروق لك سوق النجيبه
الشيب رايات غارات الزمن في حرب الأعمار
تاجٍ وقاره على الرجال طول العمر هيبه
تذكر ذهيبٍ غدا للي رفيق وطيب أذكار
ما ودي أبحث خفايا نفس رجال وصحيبه
تبيني أروح وانشد عن علومه واف الأشبار
والعلم من راس يقنب يا وسيع العرف ذيبه
الظاهر أنك تبيني مثل راع النار والغار
والصالي اللي صلا غيري على راسي لهيبه
الشيب للرجل يا رجال راس العز والكار
وما يقصــر الهقوه العليا لمن قد شاع طيبه
وعبد العزيز بن صالح له علوم طوال وقصار
ولا هنت ياللي لربعك ثوب عزٍ تكتسـي به
يوم الهوى صافي المشـرب شـربتوا منه مقدار
ما يطفي اللاهب اللي شب بقلوبٍ حطيبه
يوم انحرف عن مساره والتوى مع كل بوار
خلوه يثوي جعل ميلات دنياه أتغدى به
كم راس قومٍ تجرع من زمانه كاس الأمرار
كله علشان يبعد عن قريبٍ ما يثيبه
من هول ما شفت لا تهتال يا الباتع وتحتار
وقتٍ خلط ماه بالتفتيش به صافي حليبه
17/12/1409هـ