مجاراة الأكلبي
- الصفحة الرئيسية
- الاشعار
- المساجلات والردود
- مجاراة الأكلبي
يقول سعود بن زرعان الأكلبي:
عسـى الله ما يسقيك يا لمرقب الحساس
خشوم اليتايم منه شـرق وهو قبله
طويل الحجا رجم الشقا مرقب الحساس
رقيته وأنا متحير الفكر من قبله
رقيته ولا عينت كون الجرر دراس
وكل النظر ما شاف زول يناسب له
وتوجدت مثل أمحددٍ ساقه الحباس
أو وجد أبلجٍ حالو هل الخيل دون ابله
على شبه وضحاً حايل تتبع العساس
مع اذواد بدوٍ دايم توصل العبله
وأنا منك يا زين الوصايف طويت الياس
وسويت مثل مصدرٍ قاصبٍ حبله
وقلت اعجاباً هذه المجاراة:
أنا شف بالي مربعٍ فيه دايج ناس
بقفرٍ زماليقه من الولي منهبله
ومدافيق روضٍ ينبت المكر و البسباس
عسـى مدلهم المزن يسقيه من وبله
وأجي منزلٍ من بين فيضه وحمر أطعاس
ورى صيهدٍ شاخت به الغر والربله
اسوج النفس واسج وأزين المجلاس
وأغني وكبدي من غثا الحب مندبله
على شان غيدا قدم عيني تقض الراس
تبي طول ماني حي تلعب بي السبله
وطيت الحنوش وسقت حر التبر والماس
أبي بنت عودٍ يرخص الروح دون ابله
عليها يابو زرعان يلعب بي الوسواس
ولو ما انضغنت لرابعه طاريٍ خبله
وقال محمد بن إبراهيم آل سالم الزعبي إعجاباً هذه الأبيات:
وانا بادي بسم الله اللي خلق لنفاس
وانا طالبه يغفر لمن مات جاه أجله
وجودي وجود اللي قربهم غدت يباس
ولا عندهم عد ولا عندهم هجله
وجودي وجود اللي مرض صار فيه لغاس
ولا من بغا المجلاس رجليه منفتله
ويا حمس حالي حمس بنٍ على محماس
ويقدم المحماس في واسط الشعله
ويا طي حالي طي فرخٍ من القرطاس
بيد طالبٍ راسبٍ ولا نجح مع شكله
على بنت منهو في اللقا ينطح الفراس
وعن رايها ذا البنت ما هيب منعدله