ما يضيع فراغه
- الصفحة الرئيسية
- الاشعار
- المساجلات والردود
- ما يضيع فراغه
سلام تسليمٍ نصوغه صياغه
للشاعر اللي نفتخر في قصيده
شاعر وأديب وفاهمٍ في البلاغه
ما يتعب الا في البيوت المفيده
ياخذ ويعطي في الشعر من دماغه
له نظرةٍ في كل شيء بعيده
ابن جعيثن ما يضيع فراغه
يرضي جماهيره ويرفع رصيده
ما هوب مغرورٍ يصفّط شماغه
خبلٍ على العالم ينفّخ وريده
معدن ذهب ما هو حديدٍ صباغه
إليا اختلف لونه تغيّر حديده
سواة ذيبٍ ما يطب المراغه
ما يسكن الا فالجبال المشيده
سـريع في الهدّه وفي الامتراغه
ما كل من شال البنادق يصيده
شعر: مسلم شعيل المطرفي 17/5/1415هـ