قرأ الشاعر بندر هليل مقطع من قصيدة للشاعر راشد بن جعيثن على صفحات صحيفة الجزيرة يقول فيه:
إن كان جرحك للقلوب الموده
ينفعك ... فاجرحني وكثر جروحي
اصبر على تجريح قلبي وامده
لك تجرحه قدام تلحق بروحي
وجاء رده:
قاف قريته هز قلبي وشده
ما باقي إلا أسـرار قلبي تبوحي
لاني جريح ومن ضحايا الموده
حيران ما أدري وين ابانهج واروحي
يا بن جعيثن كان قلبك تعده
وتقدمه متأثرٍ بالجروحي
كم واحدٍ مثلك ظروفه تضده
أسباب من بعلاج روحه شحوحي
يصبر على ما به من إللي يحده
لو ناح هو وش ينفعه لو ينوحي
يضمد جراحٍ فالحشا مستجده
والصاحب الجراح ينظر ويوحي
يوح الكلام ولا تفضل برده
ليته لنا بأسـرار قلبه يبوحي
أفراحنا وأتراحنا مستجده
من نظرة أهداب الغزال المزوحي
شعر: بندر هليل