يلحقك شـرهات
- الصفحة الرئيسية
- الاشعار
- إلى راشد
- يلحقك شـرهات
أخي العزيز الاستاذ راشد بن جعيثن .. مع صادق المحبة والتقدير
الله يسلمك يا راعي الجمايل والمروات
وافٍ على كل حال ومن عرفتك وانت وافي
العرس يا صاحبي فرحه ولا يحتاج فزعات
وإلى حضـرته وشافوك الجماعه ذاك كافي
مثلك إلى من حضـر للحفل جا للحفل لذات
عند اللوازم نعرفك ماقفك دايم يشافي
وابشـرك كل شيٍ تم في يسـر وسهالات
ما من قصيره عسـى عمرك طويلٍ يالسنافي
قدرك رفيع ومقامك عندنا ما فيه شكات
لو كان حظي معك يمشـي على الرجلين حافي
يا راشد اللي يحبك لازمٍ يلحقك شـرهات
شـرهات حبٍ على ما قيل وإلا القلب صافي
واسلم ودم لا عدمتك صاحبي في كل الأوقات
لو كان عني تغيب وتاخذ اشهر ما تشافي
عبد الله السياري 2/2/1413هـ