هجرك تعدى الحدود
- الصفحة الرئيسية
- الاشعار
- الغزل والرومانسيات
- هجرك تعدى الحدود
يا صاحبي وش حصل
حتى يصير الزعل
بجهاز حبي خلل
او في غلاي إلتماس
متى بوصلك تجود
هجرك تعدى الحدود
انته عنيد وكيود
وكلش يبيله قياس
ياسـر حبي وراك
عذبتني في هواك
لولاك ولولا غلاك
ما ارخي الحبل وانت ماس
حبك لجا بالفؤاد
مالي بغيرك مراد
خف من ولي العباد
راسك علا كل راس
ان كان حبي هوى لك
يا صاحبي كلنا لك
ما فيه ذالي وذالك
والحب ما فيه باس
متى بتسمح ظروفك
تمر ساعه نشوفك
آبتحلا وصوفك
ونبني المحبه بساس
دوا الفؤاد العليل
يا غصن بانٍ ظليل
ان استملته يميل
ما هضعه كل ناس