وش تبون
- الصفحة الرئيسية
- الاشعار
- الغزل والرومانسيات
- وش تبون
يا بنات الهوى مني بعد وش تبون
كثر شيبي بصدغي ياللّٰه المستعان
كلما ابعدت عنكم بالهوى تقربون
ولذة العمر خذها بالسنين الزمان
فجأةٍ تاصلون وفجأةٍ تقطعون
والحلال المحلل في المحبه يصان
أنتم اللي منول تخلفون الظنون
حبكم راس مالٍ بس ماله ضمان
بين حلو الكلام وبين سحر العيون
مالقا اللي سواتي بالهوى له مكان
قلت للي جرحني بالهوى ما تهون
فاقدٍ السعادة من فقدت الحنان
والحبايب تراهم بالهوى يرحمون
وراعي الحب يكرم عندهم ما يهان
بين ورد الفياض وزهرة الزيزفون
ماخذٍ كل حقي والمحبه رهان
اتركوني بحالي كانكم تعذرون
راح وقتٍ قضيته بين خوفٍ وامان