نابيات المهاييف
- الصفحة الرئيسية
- الاشعار
- الغزل والرومانسيات
- نابيات المهاييف
صدى لقصيدة الشاعر عبد العزيز بن صالح بن مقبل المنشورة بجريدة الجزيرة المسائية عبر صفحة تراثنا، اعداد الزميل خالد بن عبدالله السياري يوم السبت الموافق 26/12/1409هـ
ياللي تغني فوق روس الهفاهيف
وقّضت همٍ بين الأضلاع نايم
عبد العزيز اركاب همي مواجيف
تسوقني سوق العليل المهايم
وقفت اخايل نابيات المهاييف
روس الخشوم الزاميات الشمايم
حمرٍ لها عند ال مقبل تكاليف
قومٍ حموها في عصورٍ قدايم
من دونها فوق المهار المعاسيف
كم فطروا حدٍ عن الدم صايم
الوقت له دورات حال وتصاريف
والعز في بحرٍ بالاخطار عايم
والضلع يا حبر الرجال العواريف
عقب الونس تشكي خشومه هضايم
الضلع ما به غير شهب العواصيف
قامت تلوى مثل سمل العمايم
الرياض 27/12/1409هـ