مساجين الحضارة
- الصفحة الرئيسية
- الاشعار
- الغزل والرومانسيات
- مساجين الحضارة
جعل السحاب اللي تدندن رعوده
وما تفصل بروقة على قمة طويق
يمطر ثمان أيام عد معدوده
في كل صابح صبح مع فكة الريق
يحيا القشع ويخضـر الله عوده
ونلقا فنود غصون سمره مواريق
نبي مع اللي رايدينه نروده
وتصبح مساجين الحضاره مطاليق
من مر مرباعه لزومٍ يعوده
حتى ولو تعمى عليه الطواريق
من ذاق حب اللي صغار نهوده
دعا من الله بالحياة التوافيق
من شاف بعيونه منقظ جعوده
والله ان يسوق اللي بها ما بعد سيق
الحب غضات الصبايا وقوده
الله يجازي مخلفين المواثيق
سود العيون اللي تسلهم شهوده
والمبسم اللي بالهوى ما بعد ذيق
الجلنار أمعتقٍ في خدوده
كنه ورودٍ فوق روس الزماليق
الخميس 13/4/1430 هـ