ما هقيت
- الصفحة الرئيسية
- الاشعار
- الغزل والرومانسيات
- ما هقيت
ما هقيت ان الغلا يمحاه ماحي
لكن الأيام ورتني عجايب
يومي الأسود يبين من صباحي
والجفا مفهوم من طبع الحبايب
المصيبه من غلاه السد باحي
وماله الا اسبوع يا براهيم غايب
ودي اكفخ مير مكسورٍ جناحي
دون مدري صار لي سبة سبايب
أضحك مجامل وقلبي ما استراحي
جرحه اللي يجرحه ما هو بطايب
الصحيح ان القلوب الها مناحي
تسيّر المركب على مجرى الهبايب
لو اصيح الناس ما تسمع صياحي
ظالمي بيني وما بينه طلايب
أبا خاطر بس من يضمن نجاحي
والحظوظ اقدار مع مخطي وصايب