لله العجب يا عجيب
- الصفحة الرئيسية
- الاشعار
- الغزل والرومانسيات
- لله العجب يا عجيب
كل ما جيت ابي شوفك لقيت الرقيب
عجز عنه المرض والموت ما ودره
كان بك فزعةٍ لي هاتها قبل أشيب
الوصل والمواصل ما يبي جرجره
كن جرحي بك اشوا يالحبيب اللبيب
شايفٍ فرق حالي بان فالمنظره
قمت أسولف مع العربان واخذ واجيب
واتعجب من اللي حبشٍ وانكره
واتعجب من اللي حب طفلٍ غريب
كل ما شاف عظمٍ جابرٍ أكسـره
واتعجب من اللي بالهوى ما يثيب
وكل ما شاف بابٍ منفتح سكره
واتعجب ولله العجب يا عجيب
من حبيب يحسب الذبح بالحر حره
يوم جمع دوا جرحي وقربت أطيب
وشافني مشفيٍ للعافيه فنثره
يا الله أني دخيلك من رداة النصيب
من تردا نصيبه عزرت به مره
رحت انافي ظبايا مرخصين الحبيب
ولا تلومون عاشـر يا سعود عشـره
12/11/1417هـ