عساه يرجع

الصاحب اللي مدرعني بلذاته

عليه أخم الدروب ومرٍ أخطيها

أكثر جروحي دواها من مبراته

ومرٍ يداو الجروح ومرٍ يدميها

والصبر ضاقت على المشفي مساحاته

وباب الرجا حلقته في كف راعيها

تيّه ركاب الموده وسط مضماته

وتلفت واتلفت روحي في مضاميها

وهاذي من اسبوع يا ناصــر وطياته

مرٍ يفلّ الشفوف ومر يطويها

ما غير أصايد هوى نفسه ورغباته

لا شفت له رغبةٍ جيت بحراويها

علي خلا الفراق يوثق وصاته

وما تذرف الدمعه الا عين باكيها

الله علم يوم قفّى ويش نياته

نفوس المحبين ما يدرا بخافيها

عساه يرجع وترجع لي مسـراته

وترجع مياه الموده في مجاريها

من جرب الحب لا يفرح بسمحاته

مادام عج الليال العوج قافيها

وا شين حب الفراق وشين لوعاته

"الله لا يرحم الفرقا وطاريها"

أوّاه من خلي اللي كثر غلطاته

عجزت أميّز بعضها منه واحصيها

ولون من صباح يدرك فايتٍ فاته

كان أكثر الناس ما تنسـى عزاويها

لا اصيح صيحة مقلٍ شاف مشهاته

يشوفها بالعيون ومزريٍ فيها

من واجب الرجل ما يدرى بغاياته

يا بو سعد فوَّل الدنيا وتاليها