ظفاير الليل
- الصفحة الرئيسية
- الاشعار
- إلى راشد
- ظفاير الليل
ظفاير الليل الحزين اخر دموع السالفه
باقي قصاصات الورق تبكي على الحظ الردي
موت الحكي موت الشعـر مـوتي ومـوت العاطفـه
ناسٍ تموت وتنتهي وناسٍ تعيش وتبتدي
مثل الشجر تموت في عز وشموخٍ واقفه
اموت انا بالحب لك في يوم ساعة مولدي
حبك وهم والا سـراب بالحيل ياني خايفه
ابعد من اطراف السحاب واقرب من آصابع يدي
ونسير في مركب عمر نخشـى هبوب العاصفه
مثل الضـرير اللي فقد شوفه ولا هو مهتدي
امانتك لا تبتعد عني تراني حالفه
اخاف من امسك معي واخاف وش يخفي غدي
باصل مسافات الطريق وجروح قلبي نازفه
أجمل تواقيع الصور فيها نهاية موعدي
في عيد ميلاد الوفا تاريخ ذكرى هادفه
تنده لك سنين العمر لا تبحث الجرح الندي
شعر: تنهات نجد