طبعه غريب
- الصفحة الرئيسية
- الاشعار
- الغزل والرومانسيات
- طبعه غريب
طبعه غريب يجرح الناس بخلاق
وما هوب ياوي للقلوب الجريحه
القلب للمحبوب بالحيل مشتاق
لو كان ينوي قتلي الله يبيحه
عيونٍ بها سحرٍ للأرواح ينساق
تعذب عباد الله وهي مستريحه
لحظ العيون السود ما هوب ينطاق
هاك النظر بالهون شفني طريحه
الحظ دونه واقفٍ لي على ساق
افرح إلى هب الهواء لي بريحه
أصفر زرع الروح في روض الأعماق
واجب بموجٍ من حنانك تميحه
من قبل ما يطوي العطش خضـر الأوراق
مال الغنيمه ليه نفسك شحيحه
الشك يدخل خاطري منه بفراق
يصيح صياحه ولا يستصيحه