ضحكوا عليك
- الصفحة الرئيسية
- الاشعار
- الغزل والرومانسيات
- ضحكوا عليك
ضحكوا عليك مفرقين الحبايب
خلوك تنساني وانا ما اقدر انساك
من طاوع العذال شاف العجايب
ما تفتكر في حال ذولا وذولاك
لو ان شفي منك يا زين طايب
أعلنتها للناس ما هو بيخفاك
عرّض الى رزت عليّ النصايب
واكتب على قبري شهيدٍ بيمناك
قدامك جيوشي تحوش الغلايب
حرب العيون السود يَا زين فتَّاك
لي قلت وينه قالوا الناس غايب
يا حيلة الله كاثرات خطاياك
ترى الغياب اللي بليا سبايب
يثر على قلبٍ يحبك ويهواك
تختار لي درب الشقا والمصايب
على الجفا يا ناعس الطرف وش جاك