اذهبت روحي وانا انشد ويش عندك لي
ولقيت منك الفلس تمرح عصافيره
حظٍ على ما اشتهى الغربال هدك لي
ما والله اجهل بوضعي والعن مشيره
لا قلت للوقت بالله ويش مدك لي؟!
يقول يمكن بها لك ياولد خيره
لا تعلن أرجوك بين الناس ودك لي
زود الغلا منك عندي مثل تقصيره
مدري وش اللي قلب راسك وحدك لي
وأنا معلمك عن حلمك وتفسيره
أقول ما ناب عدي لك وعدك لي
كلٍ يدور حبيبٍ ما يبي غيره
قد رحت عني ولا أدري ويش ردك لي
وأنا أحسب أنك عقبت الدار والديره