دُوك عنوانه
- الصفحة الرئيسية
- الاشعار
- إلى راشد
- دُوك عنوانه
ياللي تبا ابن جعيثن دوك عنوانه
امعزب الضيف إلى قلو معازيبه
إلى دخلت النفق رايح لسلطانه
اهزع يمينك جنوبي مكتبة طيبه
لا شفت مستودعٍ والمسجد وزانه
لقيت بيتٍ يجيه الرود من طيبه
من كل فجٍ عميق تجيه ضيفانه
وراعيه في مجلسه تكثر تراحيبه
كن العرب قُدم بابه تستلم عانه
هذا يودّع وذا توه يحي به
الصاحب اللي يشاف لصحبته خانه
ما هوب لاشٍ يخيب هقوة صحيبه
يوم الردي ما يصاحب كود بلسانه
ولا حصل له مجالٍ قيل والخيبه
شعر: سعد بن جدلان