دمعي على حجر عيني

هذه القصيدة للشاعر رديني عبد الكريم يرد فيها على قصيدتي"الحق الظما بكبواهن يا رديني"

البارحة دمعتي على حجر عيني

كن السحاب دموعهن يوم هلن

مذكرٍ عصـر مهني وينا ويني

ليت العصور اللي تقامن يردن

واصبحت انا من بيني شيني وزني

لا ما غدا جسمي مثل بايد الشن

حملي ثقيل ما يشيله دويني

كن الحراب بثومة القلب يحدن

لا جا توالى الليل همي يجيني

اسهر الى من النعايم يغابن

البيض عذبن الفهيم الحسيني

لعبن بقلبه واخلفنه وقفن

ريم الغلات اللي ترب الشطيري

ما يرتعن الابالقفار يرعن

وكنعان خلفه سوات السجيني

لا ما غدت كبده مثل محرق اللبن

وابن سبيل مع عقاب الحنيني

ومحمد القاضي على عشقته حن

مالي وليف حيل بينه وبيني

العشق مالي فيه شفٍ ولا ظن

ايضا ولا قصدي ثقل حمل ديني

ما اشيل همنٍ والمحارني يلقن

شفي ربوع يذبحون السميني

ليت المعالم عن هاك الدور ينبن

والخلج لو كان انهن معطشيني

وردن على عذب المشارب وشربني

يابن جعيثن ذي سوات السنيني

الخير هو والشر دوم يتبارن

لشك خلك للمعاني فطيني

غبر الليالي بكيدهن ما يدومن

اما أنى اشرت الى كنعان الطيار قصته مفهومه مع بنت عدوان بن طواله يوم يقول:

تفرج الى من كنه بحقن من العاج

متحيرن ضاقت عليه المناهيج

أما نومان الحسيني فهو يوم تجيه البنت وتلهيه عن طيره لين ضاع ... ويقول:

الطير مني يا قنيبر غدا فوت

يتلي اخبارن خم تالي المظاهير

 اما عقاد الحسيني، فيقول:

الى لحظني فطست فطوس بس اللعين اديره

وليا تبسم غطست مع الوطا وطبق سمايه

وهو اللي يقول:

العام أنا بسير سرية مقيضى
رد عليه محسن ابن مبلش

قلت اقربوا لي فواريع وحفافيرٍ شيطرة

ثم اظهروا لي رفيقي كان فيكم للي عنايه

والليا وصلتو دار واجرته حاله هصيرة

لا تمهصونه ادقاق العود فيه النسحنايه

                                                                                                                                           رديني بن عبد الكريم