خاطري مشتان
- الصفحة الرئيسية
- الاشعار
- إلى راشد
- خاطري مشتان
يا بن جعيثن خاطري اليوم مشتان
والدمع من عيني تزايد هميله
ياما قضيت الليل باكي وسهران
اشكي ظروفي والحياة الذليله
الواحد المعبود علام ما كان
محصـي الخلايق دقها ... والجليله
رحت اتشكَّا عند ربعي والاخوان
ما أحدٍ سمعني يوم جيت اشتكي له
يوم ان حظي في مماشيه ما زان
ولا تعدَّل من عنا الوقت ميله
جيتك وانا عن حاجه البيت عجزان
ما عاد لي في الأمر حلٍ وحيله
الدين هم وشايل الدين خسـران
لكن ظروفي اجبرتني اشيله
والله لو البيت ما فيه ورعان
إني لا احرّم في العمر دخلتي له
واموت ما مديت كفي لانسان
ولا لحقني في حياتي فشيله
شعر: محمد العماري