حي المنازل
- الصفحة الرئيسية
- الاشعار
- الغزل والرومانسيات
- حي المنازل
حي المنازل وحي حسين
والزود وده لجيرانه
غلا المنازل من الغالين
نفسـي لهم حيل ولهانه
اللي لهم بالحشا بيتين
والثالث الروح عنوانه
صكه مع مورد الخدين
معطيه مفتاح بيبانه
قبل انكشف من ثمان سنين
ويدري بي ابوه وخوانه
أزاوره بين حين وحين
غصبٍ على كل عمانه
متقاسمين الغلا قسمين
بيني وبينه بميزانه
ما همنا اللي يحوس الطين
ويعدها مزح وميانه
ما نلتفت نسمع الواشين
أنسكن الحب مسكانه
هواه عطفٍ ولطف ولين
واخلاق بالعقل مليانه
خنة ثيابه مع الماشين
خنة زبادٍ وريحانه
عليه وسط الحشا جرحين
دواها بوصله وتحنانه
وسوالفٍ بين حين وحين
يفتح لها القلب دكانه
من أول الخلق للتالين
الحب يغريه من صانه
مودع غلاظ القلوب تلين
نصف العثاير بميدانه
الحب ما يرحم الشاكين
ويخون يا ناس من خانه
ومن حب لا يتبع المقفين
ويطلب من الرب غفرانه