حقيقة حبك المرة
- الصفحة الرئيسية
- الاشعار
- الغزل والرومانسيات
- حقيقة حبك المرة
قلبي سمح منك يا غدار بالمره
عفتك وعوضني الله واحد ثاني
من يوم فارقتكم والعين مستره
وفرقت ربحي من العشـره وخسـراني
في ما مضـى النفس بك بالحيل مغتره
وأعادي إللي عن مصافاك ينهاني
واليوم بانت حقيقة حبك المره
يا للأسف حبي اللي راح مجاني
ما عاد لي في غرامك خيره وشـره
عرض واصد بطريقي لي تعداني
فالقلب ما عادلك ما يازن الذره
محيت حبك جزاً لك يوم تجفاني
عيبٍ علي أنثني واعاود الكرّه
ما ودي ألقاك بالدنيا وتلقاني
بالعكس لا تحسب ان النفس منضـره
احلف لك بجاه ربي عالي الشاني
إني سعيدٍ على فرقاك بالمرّه
عوضني الله غيرك واحدٍ ثاني