الألفيه
- الصفحة الرئيسية
- الاشعار
- الغزل والرومانسيات
- الألفيه
ألف أولف يا حبيبي جوابي
وأتنى الفلك يندار يبرا صوابي
خطرٍ أشقق من فراقك ثيابي
وش غيرك يا بو العيون الكحيله
الباء بدون أسباب تزعل عليه
قصدك تخلي الناس تزرا عليه
يومن عيني في غرامك شقيه
قمته تلاعب بي وروحي عليله
التاء تبيني مثل ما أبيك يا زين
اتبع سلوم الحب يا داعج العين
الحب مش فوضى نظام وقوانين
كم جاهلن في الحب ضيع دليله
الثاء ثمان سنين صابر ومقهور
قلبي على فرقاك يا زين مخطور
أمشـي مع العالم وأنا فاقد شعور
ودموع عيني فوق خدي هميله
الجيم جابوا لي طبيب مداوي
وأخر قراره قال يا ناس هاوي
إن كان خله له رحومٍ وياوي
خبروه لو يسمح بساعه يجيله
والحاء حنانك يا حبيبي وعطفك
متى بيضفي يا هوى البال لطفك
ما نيب انا عاصيك وامشـي بشفك
لا شك نفسك في هوانا بخيله
والخاء خذيت القلب يا مشغل البال
ودليت تلعبه على طول منوال
عز الله إني شفت من حبك اهوال
حبي معك والله تطور موديله
الدال داو اللي جروحه عطيبه
انت المرض للقلب وانته طبيبه
من خان في حبه فربي حسيبه
يحمله ربي أحمولٍ ثقيله
الذال ذر دواك فوق الجروحي
يركد عن الدقات قلبٍ يفوحي
يومن عيني من فراقك تنوحي
ارحم وداو الجرح بأية وسيله
الراء رواية حبنا والغرامي
دايم تلاحقني ولو في منامي
ارحم وعود يا ظبي العدامي
اروي لك القصه و ذكرى طويله
الزاء زماني جار من عقب فرقاك
لي جيت شفقانٍ ودورت ما القاك
يصعب على قلبٍ يحبك ويجفاك
ياللي علومك كلها لي جميله
السين سالت دمعتي فوق خدي
فراقكم والله ما هوب ودي
احفظ وانا بحفظ عن الناس سدي
ليا العدا تفرح بهرج تشيله
الشين شبينا على العشـره صغار
من قربتني منك يا زين الأقدار
ومن أجل ذلك حافظٍ كل الأسـرار
يا مرخص الغاليين ضافي الجديله
الصاد صافي اللون جالِ الثنيه
تروح روحي في غرامه ضحيه
عساه تالي العمر يعطف عليه
ما في يدي مع صافي اللون حيله
الضاد ضدوك العداء ما تبيني
وطاوعت الواشين يا زين فيني
وارخصتني يا صاحبي نور عيني
اللي خيالك يا حبيبي تخيله
الطاء طواني هم حبك وصدك
يوم إن قلبي يا هوى البال ودك
من ذا الذي عن جيتي لك يلدك
وراع الهوى حقٍ يخلا سبيله
الظاء ظنوني ما تطاوع حسودي
وجفاك ياصل فالمحبه حدودي
ويبس من الخوا على الطول عودي
وغصون غيري في المحبه ظليله
والعين عادات الهوى والسلومي
قلب المولع لازم انه رحومي
لو ابعد الغالي عن الحب حومي
لا صار أبو خالد عضيدي بجيله
والغين من غروك ما ينفعونك
قد وهقوا غيرك وبيوهقونك
ولو غير العذال نظرة عيونك
الحب من قلبك بيعجز يزيله
الفاء فوايدك اللي منهم جنيته
وشهي وخبرني عسـى ما نسيته
كم غاليٍ لجل العواذل جفيته
وفوايدك منهم تراها قليله
والقاف قلي وش بخاطرك وارضيك
عود لرشدك وصاف خل مصافيك
ولو طالت الدنيا فلانيب ناسيك
الله ينسـى اللي بينسـى عميله
الكاف كذبك لي شقاوه وتعذيب
وفراق مضنوني علي أمره صعيب
دربني المجمول في الحب تدريب
واكبر دليلٍ دوك حالي نحيله
اللام لولا حبي خلي تمكن
ناظر عيوني من فراقه بيبكن
اني ماشد اليوم بالحي واسكن
لا شك قلبي كيف يجفـي خليله
والميم ما ودي بي الناس تدري
اخاف واكتم سـر حبك بصدري
اكتب واغني فيك والدمع حبري
في ما مضـى يا زين ما نمت ليله
والنون ناوي يا حبيبي بتجفى
وانا حسبتك يا شقا الروح تصفا
خاضع وهرجي لك تسامح وتثفا
والعطف منكم هرجته مستحيله
الواو واعي طول ليلي وسهران
اكتب لنا برضاك وش فيك زعلان
خطٍ عريضٍ في الرسالة وعنوان
وافهم ترى جفواك يا زين ميله
والياء يا نور العين لا لا تغير
المودمي في ما بيعمل مسير
الا انت في حبي يا حبيبي مخير
وقلبي رهانه والله اللي وكيله