القبايل تنصاه
- الصفحة الرئيسية
- الاشعار
- إلى راشد
- القبايل تنصاه
سلام يا من نال طيبه بيمناه
اسمه على فعله وللطيب شاري
الباب فاتح والقبايل تنصاه
ابن جعيثن للمهمات ضاري
تكفى يا بو محمد يا شوق المخباه
نت الشيوخ إللي ببوها تماري
كلٍ تمناه ب لا واحلى لاه
اعيون حُر وعنق ريم البراري
الخصــر ضامر لكن الردف مطغاه
والعين فيها مثل حد الشباري
يجرح برمش العين ويداوي حكاه
خجول لكن لا جرح ما يداري
الوقت يا راشد حداني بشلفاه
وجعل لها فيني يا راشد مواري
يا سعد من حده زمانه على أقصاه
يا بن جعيثن وانت ذيب الغداري
أخوك يا راشد زمانه تحداه
حمله ثقيل وباركٍ له اجباري
ويون ونة من رمى الخصم واخطاه
وصابت خوي له قريب مباري
امن الهموم اون والدين من جاه
اتضيق به حتى فجوج الصحاري
أزهمك بعد إللي جميعٍ دعيناه
الواحد المعبود مجري الجواري
أبيك تفزع لي وفزعتك لله
بجاهك ومالك وأزهمك وانت داري
وسلمت يا اللي لجل طيبه نخيناه
اسمه على فعله وللطيب ضاري
شعر: محمد سعد الكودري