الفوز مجد
- الصفحة الرئيسية
- الاشعار
- قصائد رياضية
- الفوز مجد
الإهداء إلى ضيف الممتاز "سدوس" الأرض.. وسدوس الكرة..
الفوز مجد وفوزكم حيل غالي
يا الله عساكم كل عام تفوزون
سدوس نادي مجد في كل حالي
ما يكذب التاريخ والناس يقرون
سدوس عالي في سما المجد عالي
له منزل من بين الاثنين مضمون
نادي بطوله لو تطول الليالي
بالدوري الممتاز شوفوه تكفون
قهوا النوادي فوق خضـر الزوالي
فنجال غبن الغلب وأنتم تشوفون
متقدمٍ الركب خلا التوالي
في معركة غلب الرياضة ينوحون
صعد بمهمة متعبين الرجالي
بالحرفنه ضيق على خصمه الكون
الدوري الممتاز صعب المنالي
يبونه كبار النواد ويعجزون
من قابله ما قال يا طيب فالي
يجي وهو فرحان ويروح مغبون
نفرح بفوزه يا كرام السبالي
فرحة طويق بشوفة خيال ومزون
وفرحة عزيزٍ ببن عمٍ موالي
في ماقفٍ عنه العواني يصدون
نفرح وتفرح سود كل الجبالي
اللي على وادي حنيفه يطلون
سدوس جرع خصمه المر حالي
من زاعمه يروح من دون في دون
اللعب ما به ذا بن عمٍ وخالي
سجل هدف واجمع نقاطك على الهون
على الكواكب صار مثل الهلالي
ونور الهلال ابه الكواكب يضيعون
سدوس نورك من شمالٍ يلالي
خامس نواد المنطقة قلب وعيون
تستاهلون الفوز ما به جدالي
في دار منهم بالمواجيب يافون
والكاس بذن الله عزيز الجلالي
لسدوس من بين الفريقين مرهون
مثل الجدي في نجدنا من شمالي
أثلج صدور اللي لنجد يحبون