صدق صادق الوعد

بمناسبة الفوز بكأس ولي العهد سلطان الخير جاءت هذه المشاعر مهنئة لسمو أمير الشهامة عبد العزيز بن فهد.. بفوز الحصان صادق الوعد...

صادق الوعد صدّق ثابتات الوعود

يوم بيض وجيه ويوم كدر وجيه

فاز فوز ٍعلى غيره تعدا الحدود

بيض الله وجهٍ حقق الظن فيه

يوم شاف أن رأي القوم فيه معقود

كاس سلطان جابه وانتبه يا نبيه

بان زوده على اللي فيه كبرٍ وزود

جامله فالبدايه قبل يضحك عليه

كن وقع الحوافر رن عد النقود

في مصارف ذهب صواغ من مشتريه

تتحد فالبطولة ظافرات الجهود

وأكثر الناس ما جت له على ما يبيه

يوم روّح وخلا الخيل تعجز تقود

ماتت أعصاب أهلها والمدى في يديه

من حثاثه حثا السيده بلطم الخدود

الثرا في عيون الخيل قام يحثيه