الغاليه
- الصفحة الرئيسية
- الاشعار
- الغزل والرومانسيات
- الغاليه
يا الغاليه قلبي معك راح ببلاش
وانتي على جمر الغلا تحرقينه
من يزعلك يا بهجة الروح ما عاش
ما للسعاده ذوق وانتي حزينه
قولي هلا قولي غلا واصــرفه كاش
بالحب لك في وسط قلبي خزينه
نفسـي على حبك مدى العمر تعتاش
غيرك فلا والله انا لي ضنينه
وترى الزعل يا نور عيني على ماش
يفقد به المجروح عقله ودينه
جفنٍ لك لحافٍ وجفنٍ لك فراش
انا شفيقٍ سكّنك وسط عينه
انفاسك العطره برادٍ على الجاش
والقلب سـر الحب بينك وبينه
شوفك له عيوني مغاليل وعطاش
مبرمجٍ قلبي على ما تبينه