اكتب من الشعر أبيات
- الصفحة الرئيسية
- الاشعار
- إلى راشد
- اكتب من الشعر أبيات
سـر يا قلم واكتب من الشعر أبيات
ابيات مصيونة عن النقص والشين
مبداي ذكر الله بديع السماوات
رب أمر خلقه على منهج الدين
ابدأ بذكره واحده كل الأوقات
عدة حجرها وارضها والضلاعين
واكتب من اشعاري بيوتٍ حسينات
هديتي للقرمٍ مدح السلاطين
ابن جعيثن له جزيل التحيات
ابن الرجال اللي على الطيب ضارين
اهديه من شعري ولا به مراوات
قرم مع أهل الجود ذكراه بالزين
كلٍ يعرفه ما طلب له شهادات
اربعه يعرفونه وخوياه دارين
اليا نصيته ما تعذر بكلمات
يفزع معك ما قال بكره وبعدين
وان جا نهار فيه صوله وجولات
ابن جعيثن وارد بالميادين
يا بن قرومٍ في نهار الملاقات
لا صار يومٍ فيه الأنذال مزرين
يردون حاض الموت والعلم باثبات
على الشدايد والمهمات راسين
يشهد لهم على مدار السناوات
على سلوم الطيب والفخر ماشين
وصلاة ربي عد الأحياء والأموات
وعداد ما حجوا وفود ملبين
على رسولٍ جا لختم الرسالات
محمد اللي جا لهدي المسلمين
شعر / ساير نافل المطيري