يا مفتخر بالمال
- الصفحة الرئيسية
- الاشعار
- الوطنيات
- يا مفتخر بالمال
يا مفتخر بالمال تايه وغلطان
الفخر في عرف الوجيه السفيره
انا رصيدي حب مولاي سلمان
مالي رصيدٍ في بنوك الجزيره
صاحب السمو الملكي الأمير سلمان بن عبد العزيز ... أمير منطقة الرياض ... لم تتوقف مسئولياته على مشاكل المجتمع العامة، بل نثقل عليه مشاكلنا الخاصة لأنه عودنا على ذلك واصبح الأب الحنون بقلبه الكبير وبإنسانيته المعهودة ... واهدي إلى سموه هذه القصيدة:
يا بو فهد طلابتي ضيقوبي
وضاقت على فجوج نجد الوسيعه
خليت يدي وكلهم شمتوبي
ناسٍ شـرت عرضي وناسٍ تبيعه
حدتني الدنيا لناسٍ حكوبي
القل عذروب النفوس الرفيعه
بعض ارفقاي الطارفين اغزلوبي
وما فيهم اللي جاد يوم الوقيعه
ياما على صكات بقعا عدوبي
وفزعت باللي للجميع أستطيعه
يدرون لكن كنهم ما دروبي
تجاهلو وضع الظروف الشنيعه
ماجو خويا العام ما فكروبي
اضعاف النفس جعلهم للقطيعه
يا شيخ في نقرة حظوظا رموبي
وانا منول فوق راس الرفيعه
ما عندي الا سمط بشتي وثوبي
وكل من الديان يطلب سبيعه
الى ذكرتك ما تضيق الدروبي
يا شيخ ياللي ما يفاجا منيعه
الله حسيب اللي غدوبي وجوبي
مثل السباع اللي تضور مجيعه
قامت مخالبها تماعط جنوبي
وكل إلى خذ وزعته ذب ريعه
يا راس مالي كثروبي عيوبي
الله يجزاهم خذوني فجيعه
وصارت هواجيسـي والأفكار دوبي
يا ريف مضهود الرجال وربيعه
يلعب بي الهاجوس من كل صوبي
نوبٍ يطاوعني ونوبٍ أطيعه
يا أمير يا حلال عسـر النشوبي
سلمان يا مقوم حدود الشـريعه
يا بو فهد يا خو فهد عزروبي
وعجف الحكي مثل الحدود الوريعه