وسمٍ مديد

إهداء الى سيد الطيب صاحب السمو الأمير سلطان بن محمد:

سلطان مجد وعزةٍ ترفع الراس

وشهامةٍ ربي خلقها براسه

والمشكل اللي يرفع الضغط حساس

ماله سوى سلطان حس وحساسه

جيته وكل فياض الارياق يباس

والحلق تنشب كلمته من يباسه

وردت هداج المكارم من الناس

ولقيتني ناسي في مناخه وناسه

هذا معه بيديه معروض قرطاس

وهذا ملا مخباه من قرقطاسه

وسمٍ مديمٍ ما يبي ذكر عساس

لغيره يخلون العسوس العساسه

هذا الذي في كل حالٍ خذا الكاس

ويا قل والله من خذا مثل كاسه

سلطان بن شقران عزٍ ونوماس

على المواطن والوطن به حماسه