خاص.. لعثمان الريشة والابداع ...
نثر شعرك اللي على الوجه مفهوق
يا زين شوف مربطينه مطاليق
عقبك عيوني ما تراعي لمخلوق
شينت في عيني جميع المخاليق
حتى عشير العام ما عاد له ذوق
لياك تفتح لي محاضر وتحقيق
لا تترك التشكيك يقضـي على الشوق
ترى الهوى يا صاحبي أيبس الريق
لولاك ما مريت مع قلبي السوق
وحطيت لثري به دروب وطواريق
شوفك لوجهي شاحبٍ كله عروق
دلالة جروحٍ لجت في مضاييق
إن كان به شـرعٍ للاحباب وحقوق
شكيت من سن الجفا والتفاريق
عذولنا اللي غاديٍ للهوى عوق
في وجه ناسٍ للمواصل مشافيق