الإهداء: إلى الشيخ خالد وأخيه الشيخ موسى أبناء الشيخ عبدالعزيز الموسى أمد الله في عمره
جات الرعايا للبطولة مواجيف
كاس المؤسس نادراته يبنه
عبد العزيز اللي من الظلم والحيف
طهر بلاده جعله بروض جنه
ورث لنا حرٍ عديم التواصيف
مشعل وريث المجد والطيب فنه
في ظل عبد الله بعيد المحاريف
غلاه من بين الحنايا نكنه
ونايف على اسمه نايف بالمناويف
هم للفروض الخمس بالدار سنه
أيغطرف الفايز بالأول غطاريف
البل جل المال في ذكرهنه
وضحٍ على حس المنادي مواليف
كن الطها يقشع من ظهورهنه
أن درهمن يطرب لهن راعي الكيف
أن صاح في الخب الموالي وجنه
كنه ملك برلين الألمان وجنيف
وسبع الأراضي مالكٍ حكمهنه
وضحٍ وزادت ناهي الوضح تشـريف
أذكر عليها الله ما مثلهنه
وكل الجمال اللي بعد ما بعد شيف
كله بوجه مخربه زاد فنه
تقول عذرا غيها بالعجاريف
من ظن فيها يلحق اليوم ظنه
ما هوب كذب يا جماعة وتطفيف
بالفردي الأول ولا فيه منه
من حظ غمرن شايفٍ له مشاويف
بخشم الريال أماتهن جابهنه
خالد ولد شيخٍ بروس المشاريف
عدا وشيد منزله في مغنه
مدايحه في كل حالٍ مراديف
مواقفه من فضل ربي حمنه
بالطيب ما حسب لكثر التكاليف
ولو يعجز الحساب عن عدهنه
عبد العزيز اللي من السيف للسيف
مكارمه ما ينتهي حصــرهنه
في البير ورث جد جده معاريف
شهب الليالي بينت فرقهنه
ذكر آل موسى بالليال الشفاشيف
يبيض بها الواجب على راس قنه
دواسـرٍ من ولبهم يرجع معيف
اللي طواري خاطره وهقنهه