الإهداء: لصديق ... جدي الأول ... المتنبي الثاني:
الأرض لله ما هي لك ولا ليه
روح وعور وانا باروح واعود
دور جدار طويل وطيح في فيه
مدري وش اطلق من علومك وش أجود
المودمي شوف حظه يعكس النيه
إن كان ما تدري إنك غاديٍ هود
راسك يبا العز لكن نفسك معيه
متمشكلٍ بين قلب وراس يا معود
احذر عدو "النحا" لا رحم أبو حيه
يضحك وقلبه غليلٍ منك ومسود
يمكن تلاين بكفك ملمس الحية
وتلدغك لدغة حبيس هموم وتكود
يا صاحبي منك أنا ما في يدي شيه
إلا الخساير وأنا ظنيتك أمفود
الرياض