عقال الشمالي
- الصفحة الرئيسية
- الاشعار
- الاجتماعيات والاخوانيات
- عقال الشمالي
راكب اللي كن وجه فيه صده
من يمين ومن شمالٍ للموالي
شاصٍ أبيض ما يورد للمكدة
كنه أعقالٍ على جبهة شمالي
الشطرطون الحمر من فوق حده
دللوبه سنحةٍ تزهى الدلالي
الخواجه للطريق الغبص شده
وكمل الصنعة ولله الكمالي
ما تشده كف من كفٍ تمده
قبل ما ترخي لها خشم الريالي
كنه اللي في نحا ذوده يودّه
واقفٍ في حد شمسٍ من ظلالي
واقف لعيون من جيده وخده
فيه من ضوح القمر نورٍ يلالي
واشقرٍ من فوق عاتقها تكده
يوم شافت مع شفا الطاروق غالي
شافت اللي من عرق عوده وجده
ما تغيره السنين ولا الليالي
أرجحٍ عن وجه دربه ما يرده
غير عودٍ ينثني عند التوالي
أبلجٍ مع كاسبين الطيب عده
عد "ظافر" عند مر وعند حالي
13/12/1417هـ