أصيح لمحمد
- الصفحة الرئيسية
- الاشعار
- الاجتماعيات والاخوانيات
- أصيح لمحمد
أصيح لمحمد على راس ما طال
وانا بديره والفقيده بديره
عليه دمعي فوق الاوجان همّال
ومعذور لو هلّت دموعي غزيره
يا الموت يا موكل على قبض الاجال
ما امهلت له والا تخيّرت غيره
وخليت ولد اخوي لأخوانه ظلال
وعلى محمد ما بحثت السـريره
كل الخلايق بين راحل ونزّال
الموت سنه والمنايا عثيره
هذا سِمي ابوي في كل الأحوال
مع الكرامه والكرم حسن سيره
الهم يلعب بي على كل منوال
همٍ يدور بي وهم اديره
على الذي بعيالنا ماله أمثال
مرحوم عد نجوم ليلٍ منيره