أشيوخ أرياك
- الصفحة الرئيسية
- الاشعار
- الوطنيات
- أشيوخ أرياك
أنا احمد اللي سـرنا بك وعافاك
يا سيد الحكام في كل ديره
في شاشة عيون المحبين شفناك
من واحدٍ للشعب حطك بريره
ربٍ عن صدوف المقادير عافاك
وعن الملا خصك بأمورٍ كثيرة
وعلى الكواكب يا أبيض الوجه علاك
وخلاك نور للوجيه السفيره
اهل السياسة واردينٍ على ماك
ومن شـرب منهم ماه ورد بعيره
بانت فعولك سيدي لا عدمناك
يوم الزمان الشين يشوى هجيره
شيخٍ ومجنا شيخ وشيوخٍ ارياك
وما خاب عبدٍ ربه اللي شويره
الشعب يمشـى لك على كل ما ارضاك
يا ذخيرة اللي ما خبر له ذخيره
مادام يا فهد الوفا اصغر هداياك
أمن وأمان مع خيورٍ كثيرة
جعل النصــر والعز يا شيخ يبراك
بياض فعلك من بياض السـريرة
أمعرب في كل الأحوال مجناك
ابوك يا كحيلان صقر الجزيرة
عدا على روس المبادي وناداك
حلفٍ على ما شفت انا فيك غيره
قلنا يابو فيصل عسـى الرب يرعاك
يا حاكمٍ بالعدل كل الجزيرة