سو الفنجال
- الصفحة الرئيسية
- الاشعار
- الاجتماعيات والاخوانيات
- سو الفنجال
هذه القصيدة هاجس"عنيد" تحمل في مضامينها معاني كثيرة!! تستدعي الوقوف والتفكير من أجل فك الرموز ... وودت أن أهديها للراوية والشاعر رديني العبد الكريم ...
قم سو يا جوهر من الكيف فنجال
فنجال مردود البرا بول الليل!!
طرف جمر ضوك على صاغي الجال
خل الهواء يحيي فواهيه بالحيل
حب اليمن قلب نياه بسعة بال
واحلو فنجاله على طلعة سهيل
وعده على اللي بالوفا ماله أمثال
متعب بشيمات الرجال الرجاجيل
ترفع له البيضاء على راس ما طال
رافع لواء الخوه بعيد المناويل
انا اشهد انه يا رجاجيل رجال
مثبت قنا المعروف بالحط والشيل
ما هوب دعبولٍ على راي من قال
منشار ساقة ضاريٍ بالتهاويل
اخفي اسمه بين راحل ونزال
خوينا اللي من رجالٍ مشاكيل
انشد رديني عنه يخبرك بالحال
في ماضيات أيامنا والمقابيل
الله ولا خوة ضعيفٍ ومحتال
مركي مراكي موجفاته على الميل
ما سـربه جاهٍ ولا سـربه مال
يركب على الشقرا ويركض مع الخيل
والله ولا يا هل النصف هرجة الزال
تديرها الافلاك وتدربي السيل
ومالك ومال اللي على سو الاعمال
تسابقو مثل النعام المجافيل
أنشد رديني ما بها شك وجدال
انشد وتلقا اللي على ثوبه النيل
والخوه اللي ما لها راس وعقال
ما تنبغا خوة قرايف خفا الجيل
يا جوهر اهل الهند يا طيب الفال
ما تعصب الغتره على هامة بخيل