زين الهرج

الإهداء.. لشاعر نسي أنه ابن شـرعي لمنبر اليمامة ...

وين؟! زين الهرج يا عيون الظبي

من سمانه لا تجيب إلا أجزله

حسني منك أنت قولة وش تبي؟!

وانقطع خيط الحكي من مغزله

انغمضت وقمت أمسح بشنبي

ارقب المرقاب ساعه وأنزله

وفي وجيه الهرج أمكن مقضبي

كل رجلٍ له مكان ومنزله

شفتني ساكت وتحسبني غبي

وتحسب ان الحب عندي مهزله

لا تحدث بالكلام الأجنبي

واحلو حكي الخفا في معزله

يا بنات الريح شيـشي والعبي

كل منهو حب شيءٍ فزله

ما جت الدنيا على ما قد نبي

كل واحد وده أن العز له

في غرامك جايزٍ لي منصبي

وكل مخلوقٍ على ما جاز له

يوم حصل فيك قلبي مطلبي

من عذلني قلت: خبل وطز له