روسنا فوق
- الصفحة الرئيسية
- الاشعار
- الوطنيات
- روسنا فوق
يوم ظمي الثرى والنَّوْزله
والهواء جرّح وجيه الليالي
جاء سحابٍ من المنشا وعله
جاه عبد العزيز وجاد تالي
جعل من ضام داره فدوةٍ له
رافعٍ راس داره بالمعالي
من كفر دونه المصقول سله
وارعف السيف من دم الرجالي
لين وحّد على التوحيد كله
وأمنه من جنوب ومن شمالي
شيخنا اللي حجاج العز فله
آه واحلو ماء المجد الزلالي
ماخذٍ الحكم دقه وجله
ما خذه بين مرٍّ وبين حالي
قال للي يبون الدار: لله
دارنا اللي ثمنها حيل غالي
دونها الحرب حنا ما نمله
لو تعشـى شغاميم العيالي
دونها نقهر كبودٍ مغله
شمسها أبرد علينا م الظلالي
يا نجومٍ على العارض مطله
بشـري بالمعزه كل غالي
روسنا فوق ما شفنا مذله
عزنا نشكر الرب امتوالي
كلنا مع فهدنا نشكر الله
نرفع الروس فوق وما نبالي
دارنا حلةٍ في وسط حله
المدن بالسهول وبالجبالي