الإهداء لخالد الفيصل الشاعر ولكم ...
الليل ما يشـرب ظما الوقت بسكات
إلا يبي من واهج الشمس فيه
لو في سحاب الوسم للعشب فزعات
ما باع راع الذود بنت المطيه
الليل ما ينقل من الموصي وصاة
لراسٍ طموح وعلةٍ داخليه
تكسـرت في صدر الأيام الآهات
من هاجسٍ بالليل روح عليه
فصاحة البيداء دروب بمظماة
يا صل بها اللي غادٍي عن نويه
بعض العرب للهم ما هم بمشهاة
مادام خيله راس مال البريه
بين الطموح وبين روسٍ وهامات
عميت دروبٍ تجرح أرضٍ خليه
وركايب الأيام مرن عجلات
تعاقبن من بين صبح وعشيه