قال لي أحدهم ودنا نقنص معك، ولكن معك شياب ثقال وقلت:
خوينا لو هو ثقيل علينا
ليا عاقه الله ما نعافه ونجفاه
يروح معنا ويتعصا حدينا
وان عجزت اقدامه عن المشـي شلناه
ما كنه إلا من حدا والدينا
لو هو بعيد الجد ما نطلق رشاه
ما ينقطع حبل الوفا من يدينا
نروف به ماكننا الا دناياه
ياكل من اللي لا قنصنا كلينا
وان غاب حقه ما لشويه رفعناه
طبعٍ لنا من ماضيات السنينا
خوينا نمشـي على كل ما أرضاه