حكمه وتصــريف
- الصفحة الرئيسية
- الاشعار
- الاجتماعيات والاخوانيات
- حكمه وتصــريف
للخالق المعبود حكمه وتصــريف
آمنت باللي له نحج ونصومي
ربٍ له اشكي ما الوزا والصواديف
وعينٍ لها ايامٍ جزت ما تنومي
وهمٍ يوقف لي بروس المحاريف
يقعد معي وان قمت طولي يقومي
احن من بلواه حن المواليف
يوم الفراق ويوم تكثر همومي
وإلا حنين أمات ضيرٍ مشاعيف
افخت حوار مجددات الوسومي
داجن وراجن وارقبن المشاريف
اللي بهن ظلٍ من البعد يومي
ولا لقنّه في نباة ومهاييف
انكث بصـرهن وكذبن الحزومي
وحز الحزن حلز الكبود المحازيف
وجف الندا وأطون كما حب لومي
وتذكرن مرباعهن في ربا ريف
هبهب هواه وناحرنٍ بالخشومي
زرع الحشـى بي طاويٍ عقب ما هيف
الوقت وسع يا بن مقبل ثلومي