الإهداء إلى أمير الشعر.. خالد الفيصل:
يوم خالد في فجوج الشعر دوه
القوافي رايعت لأغلى نديم
بين شعره وأكثر الشعار هوه
خالد الفيصل ترى مثله عديم
الشعر يا ناس في حضـرة سموه
يدهر مثل ادهار بروق غيم
بير مجدٍ في صفاة العز موه
بالمكارم والفضايل والنعيم
ومن طلب منا مدى الأيام خوه
يبشـر بخوه وحشمه من حشيم
والعدو اللي لنا بالخبث نوه
كان راحل فالسعودي له مقيم
عندنا للي نوى تسعين لوه
الحظيظ اللي لنا ما هو غريم
ومن يسوي له على داره فتوه
كلنا عزمٍ على الخاين هميم
ومن يبالغ ضد الأمة في غلوه
نضـربه ضربة خلاصٍ بالصميم
الهباوه زادت الهابي هبوه
زلت أقدامه صــراطٍ مستقيم