عندما يكون الجفاف سلطان جائر، ويقع سيفه على رقاب الماء تموت النخيل، ويبقى الأمل في سحابة حبلى بالطر قائم..
أمس أنتظر منك المروفه ولا جات
ماجات منك لمحوجٍ للبر يره
عاقبتني عاقبك رب السموات
ورضيت لي بين العرب بالكسيره
تقول أحبك بس هيهات هيهات
ان به محبٍ سطوته في عشيره
العمر راح وما انقضت منك مقضات
والمستغيث من الغثا ما تجيره
وشف الشفوف اللي بشوفك مشفات
عليك باكر عاقبتها كبيره
وجدي على سلم الليال القديمات
وجد الضعيف اللي صفا جم بيره
هافت عروسه والركايب هزيلات
وطاه وقتٍ واطيٍ كل ديره
حل القدر تقصــر يدين طويلات
وتعمى العيون اللي منول بصيره
امسـي على شوف الغروس الظليلات
وأصبح ينادم خيرةٍ مستخيره
عقب الحيا يا شين شوف النخل مات
وأشين من الموت الموكد نذيره
على الحجر روس البواسق محنات
لاكن روس جذوعها تستشيره
كن العطش منها لها ينقل وصاة
احنا لها حني الكبير الصغيره
أو وجد منهو شاف ضيم القرابات
اسقوه كاسات الهموم المريره